កាលពីរសៀលថ្ងៃពុធទី០៤ ខែមករា ឆ្នាំ២០២៣ នៅសាលប្រជុំនៃអគ្គលេខាធិការដ្ឋានគណៈវិស្វករកម្ពុជា ឯកឧត្តម សុខុម រិទ្ធីវុធ អគ្គលេខាធិការនៃគណៈវិស្វករកម្ពុជា និងជាប្រធានប្តូរវេន នៃសន្និសីទអង្គការសហព័ន្ធវិស្វកម្មអាស៊ានលើកទី៤០(CAFEO-40) ឆ្នាំ២០២២ បានអញ្ជើញជាអធិបតីក្នុងពិធីសំណេះសំណាល និងចែកវិញ្ញាបនបត្រ ជូនប្អូនៗក្មួយៗក្រុមការងារLOនៃសន្និស្នីទអង្គការសហព័ន្ធវិស្វកម្មអាស៊ានលើកទី៤០ ។

          ជាកិច្ចចាប់ផ្តើមនៃកម្មវិធី ឯកឧត្តម តុប ចាន់រី អគ្គលេខាធិការរង បានរាយការណ៍ពីសកម្មភាពរបស់ក្រុមការងារពាក់ព័ន្ធទាំងអស់ នៃអង្គសន្និសីទដែលបានខិតខំបំពេញការងារបានយ៉ាងល្អប្រសើរ ក្នុងនោះក្រុមការងារ LO ជានិស្សិតស្ម័គ្រចិត្តបានចូលរួមចំណែក ធ្វើអោយដំណើរការ នៃសន្និសីទលើកទី៤០ ទទួលបានជោគជ័យជាទីគាប់ចិត្ត។

ឯកឧត្ត សុខុម រិទ្ធិវុធ អគ្គលេខាធិការគណៈវិស្វករកម្ពុជា និងជាប្រធានប្តូរវេន នៃសន្និសីទអង្គការសហព័ន្ធអាស៊ានលើកទី៤០(CAFEO-40)ឆ្នាំ២០២២ បានមានមតិសំណេះសំណាល និងថ្លែងអំណរគុណដល់ក្រុមការងារពាក់ព័ន្ធទាំងអស់ ដែលបានខិតខំបំពេញភារកិច្ចរបស់ខ្លួនដោយស្មារតីទទួលខុសត្រូវខ្ពស់ ហើយលទ្ធផលនៃកិច្ចប្រជុំជោគជ័យដ៏ធំមួយនេះ គឺមានការអបអរសាទរពីបណ្តារប្រទេសដែលជាសមាជិកអាស៊ាន ហើយជាមោទនភាពរបស់យើងទាំងអស់គ្នា ក៏ដូចជាមោទនភាពរបស់ជាតិយើងផងដែរ។ ក្រោយពីធ្វើការសំណេះសំណាលនឹងងមតិផ្តាំផ្ញើរ ឯកឧត្តមអគ្គលេខាធិការ បានផ្តល់វិញ្ញាបនបត្រ ជូនប្អូនៗ ក្រុមការងារLO និងវត្ថុអនុស្សាវរីយ៍មានកាបូប និងសៀវភៅស្តីអំពីCAFEO-40ផងដែរ។

ឆ្លើយចំពោះមុខលទ្ធផលដែលទទួលបាន ប្អូនៗក្រុមការងារ LO ​ទទួលបាននូវបទពិសោធន៍​ការងារជាក់ស្តែង​​ និង​ Certificate និងថ្លែងអំណរអរគុណចំពោះអគ្គលេខាធិការដ្ឋានគណៈវិស្វករកម្ពុជា ដែលបានអនុញ្ញាតឪ្យប្អូនៗចូលរួមចំណែកសម្រុះសម្រួលការងារសន្និសីទនៃអង្គការសហព័ន្ធវិស្វកម្មអាស៊ានលើកទី៤០ ដោយ ឯកឧត្ត សុខុម រិទ្ធិវុធ អគ្គលេខាធិការគណវិស្វករកម្ពុជា។